تحت وجود أمني مكثفـ .. وقف ضد الطوارئـ .. بمحافظة الفيوم

تحت وجود أمني مكثف قام اليوم الأحد 30/5/2010 ناشطون سياسيون بمحافظة الفيوم كشباب 6 إبريل بالتعاون مع بقية الاحزاب الاخرى بتنظيم وقفة اجتجاجية  تحت مطلب رئيسي هو : سرعة الإفراج عن المعتقلين بموجب قانون الطوارئ طبقا لما تعهدت به الحكومة المصرية عند تمديد العمل بقانون الطوارئ , شاركـ ف الوقفة مالايقل عن 20 ناشطا سياسيا  وتمثل تعاطف الاهالي مع الناشيطين في مشاركتهم الصامتة  , وندد  الناشطون بحكم بمارك هاتفين " ياحاكمنا بالطوارئ امتى هترحل امتى تفارق " " ياحاكمنا بالمباحث كل الشعب بظلمك حاسس " ونددوا أيضا بظلم وزير الداخلية هاتفين

" ولا حبيب ولا عادلي الل بيجسجن ناسي واهلي " 

كما هتفوا ضد الدولة لكونها دولة بوليسية 

" عسكر عسكر عسكر ليه احنا ف سجن ولا ايه " "

دول عاملين علينا اسود وبيضربوا ع الحدود " 

اكتب ع حيطة الزنزانة حكم مبارك عار وخيانة "

كما نددوا أيضا بحبس الشباب قائلين

" يابو دبورة ونسروكاب ليه غاوي حبس الشباب " , 

وكان من المفترض أن يقوم الناشطون بإلقاء كلمة بيانية توضح للأهالي سبب الوقفة لكن على الفور قام رجال الشرطة بإخلاء الشارع من الاهالي مما جعل الناشطون يهتفون " سيبوا الناس ماتمشوهاش .. ياللي بعتوا بلدنا بلاش " 

يذكر أنه في بداية الوقفة طلب رجال الشرطة من الناشطين أن يقفوا في شارع مجاور بدلا من وقوفهم في الشارع الرئيسي قائلين لهم " هي الحتة دي هتسعكم "

فرد أحد الشباب قائلا : " آه ومش هنتنقل من هنا "

فرد الظابط : " علشان الشارع بس والمرور "

فرد عليه الشاب " لا ماتقلقش احنا مش هننزل من ع الرصيف " "

فبالطبع رفض الشباب رغبة رجل الشرطة في الوقوف في الشارع المجاور اعتراضا على وقوف ما لايقل عن 10 سيارات بوكس فرد عليه الضابط : " هنمشيهالكم "

فرد الشاب قائلا " لالا امال وقفتوها ليه من الأساس "


وانتهت المفاوضات برفض رغبة رجال الشرطة !! 

وكالعادة قام الناشطون بإنهاء وقفتهم بالنشيد الوطني : 

" بلادي بلادي بلادي لك حبي وفؤادي .. مصر يا أم البلاد لس فيكي اضطهاد 

في السياسة والاقتصاد .. عايزة ثورة يابلادي "